Fänschterle
Mis jüngscht Erläbnis brint‘s an Tag,
worum i s'Fänschterle jetzt au mag.
Es git do ein i miner Gägend,
en Schöne, wie die meischte sägend.
Är isch zwar schüch, doch au chly fräch.
Als Fotograf hesch meischtens Päch.
Doch kürzlich, und druf bild mir öpis y,
isch är doch a mim Fänschter gsi.
Und sithär chunt är immer wieder,
dä Typ im bunte, blaue Gfieder.
12.11.15 Erika B. Sprecher